Гэрэлтүүлэггүй замаар зорчиж байсан иргэнийг мөргөж амь насыг нь хохироожээ

2020.02.10-13-ны өдрүүдэд Тээврийн цагдаагийн албаны Жижүүрийн шуурхай удирдлагын хэлтэс нийт 963 дуудлага мэдээлэл хүлээн авснаас 724-н зам тээврийн ослын шинжтэй дуудлага мэдээлэл бүртгэгдсэн.

Бүртгэгдсэн зам тээврийн ослын улмаас 10 хүн гэмтэж бэртсэнбайна. Ноцтой зам тээврийн ослын улмаас нийслэлд 1, орон нутагт  3 хүний амь нас хохирсон байна.

Нийт хүн бэртсэн ослыг хэлбэрээр нь авч үзвэл

- Явган зорчигч мөргөх хэлбэрээр -11

- Үл хөдлөх зүйл мөргөх хэлбэрээр 1 тус тус бүртгэгдсэн байна.

Ноцтой зам тээврийн ослоос дурдвал:

2020.02.10-ны өдрийн 01:20 цагийн орчимд Завхан аймаг Их-Уул сумын Зарт баг Ухаа хад гэх газарт Toyota priusмаркийн автомашины жолооч П нь явган зорчигч 31 настай, эмэгтэй С-ыг мөргөж амь насын хохироосон.

2020.02.11-ний өдрийн 20:30 цагийн орчимд Төв аймгийн Эрдэнэсан сумын Буянт 3-р багийн нутаг “Өндөр толгой” гэх газар асфальтан замд Sybaru Forester маркийн автомашин онхолдож,  жолооч 37 настай, эрэгтэй Г нас барсан.

2020.02.13-ны өдрийн 06.00 цагийн орчим Сүхбаатар аймгийн Эрдэнэцагаан сумын 2-р багийн нутаг “Чоно гол” гэх газар /Сумын төвөөс урагш 2 км-т/ шороон замд Dayon маркийн улсын дугааргүй мотоцикл онхолдож, жолооч 31 настай, эрэгтэй Б нас барсан.

2020.02.13-ны өдрийн 00.02 цагийн орчим СХД-ийн 26 дугаар хороо Толгойтын зам, Наран төвийн урд замд Honda Fit  маркийн автомашины жолооч Б нь явган зорчигч /овог, нэр гэрийн хаяг нь тодорхойгүй 30-35 насны орчим эрэгтэй/-г мөргөж амь насыг нь хохироосон. 

Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 66 жолоочийг илрүүлж, эрхгүй үедээ согтуугаар тээврийн хэрэгсэл жолоодсон  15 хүнийг шүүхээр баривчилж хуулийн дагуу хариуцлага тооцсон байна. 

Энэ 7 хоногт бүртгэгдсэн зам тээврийн осол, хэргийг өмнөх 7 хоногийн нөхцөл байдалтай харьцуулахад нийт дуудлага мэдээлэл 22.5  хувиар, зам тээврийн ослын шинжтэй дуудлага 23.1 хувиар, хүний амь нас хохирсон осол 2 дахин  өссөн байна. 

Явган зорчигч мөргөлдөх хэлбэр үйлдэгдэж байгаа зам тээврийн ослын дийлэнх хувь нь явган зорчигч нар явган хүний гарцгүй хэсгээр зам хөндлөн гарч байгаад автомашинд мөргөгдөж байна. Иймд иргэд та бүхэн өөрийн болон бусдын амь нас, эрүүл мэнд, эд хөрөнгөнд хохирол учруулахгүйн тулд анхаарал болгоомжтой хөдөлгөөнд оролцохыг анхааруулж байна. 

сэтгэгдэл үлдээх